Новата комплетно модернизирана и дигитализирана експозитура на Комерцијална банка во Драчево денеска започна со работа. За комплетно корисничко задоволство, експозитурата Драчево покрај редовно шалтерско работење им нуди на клиентите и 24/7 дигитални финансиски услуги.

Дигиталниот дел е опремен со банкомат кој овозможува уплата и подигање готовина, како и со дигитален киоск, кој е современо решение за плаќање сметки за јавни услуги (ЕВН, Телеком, А1, БЕГ и Телекабел) без провизија, без посета на шалтер и со картичка од која било банка.

На дигиталниот киоск може да се испечати и извод од платежна сметка на физичко лице за која има претплата на Интернет банка. Влезот во дигиталната зона 24/7 е овозможен со сите банкарски картички.

Шалтерите во експозитурата се отворени од понеделник до петок од 08:00 до 16:00 часот, а ги обезбедуваат следниве услуги: отворање платежна сметка во денари или во девизи, плаќање во земјата и во странство, брз трансфер на пари, менувачко работење. На клиентите им се достапни и богатата понуда на кредитни производи и штедни влогови, можноста за купување удели во инвестициски и пензиски фондови и осигурителни полиси, како и стручни совети и обука за користење на електронска банка и мобилно банкарство за физички и правни лица.

Комерцијална банка во континуитет ги модернизира своите експозитури и ги опремува со современи дигитални уреди затоа што секогаш ги следи потребите и навиките на клиентите.

{{item.Title}}