Вработување и пракса

Комерцијална банка како современа и пазарно ориентирана компанија посветува значајно внимание на своите човечки ресурси, сметајќи ги за еден од најзначајните фактори преку кои се определува конкурентноста на компаниите.

Инвестирањето во човечки ресурси, вложувањето во тимска работа и стручната едукација со цел нивен континуиран развој и унапредување на кариерата се наш клучен и континуиран приоритет. Комерцијална банка е особено горда на целокупната грижа за своите вработени, која вклучува бесплатно доброволно приватно здравствено осигурување, можност за работа од дома, редовна исплата на регрес за годишен одмор и новогодишен надомест и исплата по основ на деловна успешност на работодавачот.

Деловниот свет постојано се менува, а и ние се менуваме. Постојано нудиме можности за динамична работа во креативна атмосфера. Доколку сакате да станете дел од тимот на Банката, ја очекуваме Вашата апликација за вработување.

Активни огласи

Во моментов немаме активни огласи.

Доколку сакате да бидете дел од нашиот тим, Ве охрабруваме да ја пополните апликацијата подолу.

Апликација за вработување

Доколку во моментот нема актуелни огласи за вработување во Банката или не си заинтересиран/а за огласените работни места, сѐ уште можеш да аплицираш за работа во Комерцијална банка АД Скопје. Твојата апликација за вработување пополни ја преку формуларот подолу или, прати ја на vrabotuvanje@kb.mk или по пошта до „Сектор за човечки ресурси и општи работи“, Комерцијална банка АД Скопје, ул. Васил Иљоски бр. 3, 1000 Скопје.

Секоја апликација се регистрира во нашата база на заинтересирани кандидати за вработување и, согласно потребите од конкретен профил, може да те поканиме на разговор.ⁱ Напомена: Апликацијата за вработување ќе биде третирана како доверлива. Според Законот за заштита на личните податоци, со самото доставување на твојата апликација за работа за потребите на Банката, согласен/на си твоите лични податоци да бидат користени во процесот на селекција на кадри. Освен за наведениот случај, твоите лични податоци нема да бидат користени за ниту една друга цел ниту, пак, достапни на трети лица.

Деловниот свет постојано се менува, а и ние се менуваме. Постојано нудиме можности за нови идеи, динамична работа во креативна атмосфера и јакнење на тимот.

Вработувањето во Комерцијална банка значи:

• Пријатна и тимска работна атмосфера во современи работни услови,
• Учење од ментори со висок степен на стручност и искуство,
• Личен и професионален развој,
• Доброволно приватно здравствено осигурување,
• Редовна исплата на регрес за годишен одмор, новогодишен надомест и други надоместоци,
• Грижа за општеството, корпоративни настани и спортски активности.

За повеќе информации контактирај нѐ на телефонските броеви: (02) 3168-463 и (02) 3168-412.

Пракса

На почетокот од твојата кариера може да си обезбедиш знаење, искуство и професионални вештини за добар старт и успешен професионален развој. Комерцијална банка ти нуди можност за практична настава во модерна финансиска институција посветена на развој, иновации и успех. 

Што добиваш од Комерцијална банка?

• Знаење и вештини од врвни професионалци,
• Искуство од прва рака, кое ќе те охрабри на стартот од твојата кариера,
• Потврда за пракса во банка со висока меѓународна и домашна репутација.
• Добар почеток за професионалниот дел во твоето CV.

Со праксата во Комерцијална банка ќе го усовршиш твојот талент, ќе ја прошириш твојата перспектива и ќе инвестираш во твојот развој.

Праксата во Комерцијална банка значи и извонредна можност да се запознаеме со твоите цели и амбиции и да те имаме во базата на потенцијални кандидати за вработување во Банката.

За пракса во Комерцијална банка ти треба:

• Барање, заверено од Факултетот,
• Мотивациско писмо.

Достави ги документите на praksa@kb.mk или по пошта до „Сектор за човечки ресурси и општи работи“, Комерцијална банка АД Скопје, ул. Васил Иљоски бр. 3, 1000 Скопје.ⁱ Напомена: Апликацијата за вработување ќе биде третирана како доверлива. Според Законот за заштита на личните податоци, со самото доставување на твојата апликација за работа за потребите на Банката, согласен/на си твоите лични податоци да бидат користени во процесот на селекција на кадри. Освен за наведениот случај, твоите лични податоци нема да бидат користени за ниту една друга цел ниту, пак, достапни на трети лица.

За повеќе информации контактирај нѐ на телефонските броеви: (02) 3168-463; (02) 3168-412.